24th Tripura Sports School Foundation day Tinku Roy
Bisi kwdwkma laiwi thangmani ulo 24th Tripura Sports School songsamani sal palaikha. Agartala Badharghat DDS Sports complex kwdwkma bisi romwino borom tei yakpai manjak tongmani. Abo belai kotorma samung bwtang.
A salo Sports Minister Tinku Roy pandao kwrwngwi sakha, thwngmung wngkha kaisa kotorma platforms. O platformsbai hayung haa kotorni thwngkwrwngrog borogni sinimung haa kotorni tei hasteni mung kuchugo tisao.
Abohaikhe Tripura ni thwngkwrwngrogbo tabuk twrwk twrwk yapri barogwi samung khwlaiwi tongo eba thwngmungo yapri sewi kotor chikon sokatbo tubuwi tongo. Thinango teibo abohai boromni sokat norogbo tubuwi manai abo ani khakamung tongnai. Tripura haphang tabuk jeswk mansak thwngmungo chubachuni yak pholoknai tei thinangobo yapri senai.
A salni panda o manjak hasteni thwngkwrwngrog tei thwng bedekni kuchuk beremni samung tangnairog. Teikhaksa bwkhak a salo pandao puilao hukumu pandabo khwlaijakha. a salo thwngkwrwngrogno sokat te borom yapharjakha.
