Tiprasa thwngmungo belai swkango tongo, sep mankhe teibo kuchugo kasawi mano : Tiprasa hamkrai montri Bikash Debbarma
Chasalo Umakanta ground o paithak Football tournament tongmani Bhagwan Birsa Munda Football Tournament, 2025. O thwngmung ni naharmung Tripura phekmungo gwdaljakrogno hakchal khwlainani. Pandano twidulnai wngkha Tribal Welfare Department. Bataimung nokha salbrwi romwi khwlaijakha.
Pandao manjagwi thwng bedekni montri Tinku Roy sakha, Tripura ni sikla achaisongrogno khaksa bwkhak belai drugs hai chamung sitrabai gwdalmano nugwi kha khamjakmani kokbo sakha. Tei khaksa bwkhak o thwngmungni bisingtwi bahaikhe sikla achaisongrogno kwtal langma yapharwi man abono naisigwino samung khaiwi tongmani koklambo sakha montri.
Tiprasa hamkrai montri Bikash Debbarma sakha, thwngmung wngkha chini sinimung, chini borom. Abono romwi narwkthai sikla achaisong. Alaida khwlaiwi sana thangwi sakha Tiprasarog thwngmung belai kwrwng tei sep mankhe teibo kuchugo kasanai hwnwibo sakha.
Tripura haphang bwskangni salo thwngmungo teibo sikla achaisongrogno kha bacharwna bagwi teibo kotor kotor yapri naharwi tongo. Aboni bisingono Tripura ni Killa, Takarjala, Khowai amchairogno sports school swnamjagwi tongo hwnwibo sakha montri.
Paithak salni thwngmungo Gomati District ni bwrwi bodol 8-0 goal bai Sepahijala District no mechenkha.
Chwla bodol ni thwngmungo Gomati District no kwplai wngkha 2-1 goal ni pherbai South District no mechenkha.
Pandao Tribal Welfare Department ni samung tangnai tangphang Subashish Das, Football thwngkwrwng kwcham adong Amit Choudhury no khobwi tei kubuni.
