DDS Sports complex kwrwngtham phiyogwi rwkha thwngkwrwngrogni bagwi : CM Dr. Manik Saha tei Sport Minister Tinku Roy
Sangrongsalo kaisa pandani bisingtwi thwngmungno bahaikhe teibo Tripura hasteo kaham kobolmung rwui man ayang bwkhak naisigwino yapri naharjak Tripura haphang.
DDS Sports Complex Tripura hasteni montri okra Dr. Manik Saha abono phiyogwi rwkha tei Tripura hasteni sport minister Tinku Roy ni yak romwi.
Thwngmung phiyokjakma
· Debhabakti Jamatia Synthetics running track
· Pratul Bhattacharjee Synthetics turf football ground
· Sadesh Priya Nandi Synthetics turf hocky ground
Pandao kok narwkha CM, bwskang ni salo abohai teibo yapri naharjaknai, alaida khwlaiwi thwngmungni bwkhak yapri krak khwlaiwi bachana bagwino o yapri Tripura haphangni.
Abohai laiwi thangjak jora borog khoroktham belai nangkukjak samung Tripura hasteni bagwi khwlaiwi thangjak, aboni bagwi tini abohai yapri naharjago.
Phiyokmungni pandao tongo thwngkwrwngrog tei kubuni samung tangnairog. Alaida khwlaiwi a salo tongo Gymnastic Dipa Karmakar no khobwi tei kubuni.
