Rai kwchak tei Rai Kosom Tripura TTAADC 6th Schedule ni Dukmali hati achukrwjakha mangthong
Chasalo kaisa pandani bisingtwi TTAADC ni Dukmali hati Rai Kwchak tei Rai Kosom ni mangthongno phiyogwi rwkha.
A salo lukurogno kwbangkhe kwrwngmani nukjakha. Mangthong phiyoknani swkang rwchap-mwsamungni bisingtwi chikonsa pandabo himwi khwlaijakha.
Koktwmao tongkosong lukurog bisi kwdwkma abohai naisinglaimani ulo laibumano twiwi abono puila kotorkuk khwlaiwi mangthong achukrwjakha.
Teibo khursathai kwlaio TTAADC head quarter bisingo laiwi thangnai CPIM haphang tonglangphuru Reang Chowmohany tei kubuni thairogbo mangthong akorog achukrwjakha. Phiya ADC amchaio Tipra Motha phan no achukmani ulo swlaimung nukjagwi tongo hwnwi tongkosong lukurog khakalaijak.
A salni phiyokmungni pandao Maharaj Pradyot sakha, o mangthong Rai kwchak tei Rai Koson sengkrak wngkha dopha ni bagwi sengkrak. Abohai mangthong bwskang ni salo dalbidal thaio achukrwjaknai mangthong.
Pandao manjakha Maharajkumari Pragya Devi Debbarma, TTAADC CEM Purna Chandra Jamatia, EM Suhel Debbarma, Baba Ranjan Reang, Ganesh Debbarma no khobwi tei kubuni.
