5th Indigenous Traditional Attire & food festival 2025 kwrwngkha TTAADC EM Kamal Koloi

by Gobin Debbarma - Jan 5, 2025 1:11 PM

Chasalni simi chengwi rwkha 5^th Indigenous Traditional Attire & food festival 2025. Bisi brum brum ni haikhe taklai bisiobo hainohai Sporting Club ni luajimungbai khaijakha nokha saltham romwi food festival.

          Khursathai kwlaio 4^th, 5^th, tei 6^th January jora tonganwi o banik. Pandao kwrwngkha TTAADC EM Kamal Koloi no khobwi kubuni nangkukjak adongrog.

            Tripura belaikhe abohai chamung ter o tongkosong lukurogno kwbangkhe kwrwngmani nukjagwi tongo hwnwibo koktwma. 

          A salni pandao EM Kamal Koloi sakha, abohai chamung banik khaimani belai kaham tei panda songchanairogno kha kaham yapharkha. Taklai bisibai philba songchamano twiwi, thinango teibo kotorkhe khainano twiwibo koklam sakha. Teibo alaida khaiwi o banik ni bisingtwi bahai tiprasa ni chamungno hayung ha kotor gwnangwi pirsawi man aborogno twiwino kok sakha.