Harmilan Bains: Asian Games 800m khasigwi Silver kwplai wngkha

by Gobin Debbarma - Oct 5, 2023 10:50 AM

Rangchak sokat mankha Sri Lanka Tharushi Dissanayaka. Bo 2:03:20 Minute ni bisingo puila sogwikha. 

India Harmilan Bains kha kuwar khwlaiwi chaitokmani ulo 800m khasigwi Silvar mankha. Srangsalo Asian Games 2^nd position wngkha Harmilan. Sri Lanka First Position. 

Punjab ni bisi nwichiba omorni o silver manjak Harmilan sakha, o thwngmungo ang aswk kotorma sep mankha mungsaya mungsa twlangnai hwnwi khao krakhe chongwi naharjak puilani simino. Abono wansugwino ang tini o 800m khasigwi Silver mankha aboni bagwi joto team ni samung tangnairogno kha kaham yapharo.

Khursathai kwlaio Harmilan aboni swkangbo kwbangma thwngmungo sokat manjak.  

Bini o thwngmungno nogwi eba bini manmani bwthaino nugwi India ni dalbidal hasteni thwng hamjaknairog kha kaham yapharkha tei India Prime Minister Modi twit. Khwlaiwi kha kaham yapharkha.