Indian Olympic Association(IOA) team Tripura ni thwng bedek montri Tinku Roy bai malai
Kraksalo Tripura thwng bedekni montri Tinku Roy bai malaikha Indian Olympic Association ni ad-hoc committee Shri John F Kharshiing no khobwi tei kubuni.
Tripura thwngmungo bahaikhe jwngjal wngwi tong tei thinango bahai khwlaina nango aborogno twiwi nangkukjak khwlaiwi koklam salaikha montribai.
A salo thwng montri Tinku Roy abohaikhe yapri naharwi Tripura thangwi sogwimano twiwi khatungmani koklam sakha tei alaida khwlaiwi bahaikhe Northeast ni abohai thwngmung kaham thwngnairogno yapri naharwi man aborogno twiwino koklam kwrwngkha.
Thwngmung hamjaknairogno khakalaijak daktino aboni yapri eba kobolmung Tripura hasteo kwlaianw hwnwi.
