New setup Jampuijala Football Ground : Naithothok thwngkhola kwtal achaisongni kwtal imang
Jampuijala Tripura Sepahijala District ni bisingo khobjago. Kwbangkuk khwlaiwi sinimani lukurog Tripuraokhe Football thai hwnwi sinikugo. Phiya o thwngmungo thwngnairogni bisingobo Tiprasarogno kwbangkuk tei thwngkwrwng hwnwi koktwma.
Bisi kwdwkma swkang Tripura ni o thai eba Jampuijalani lukurog eba Football hamjaknairogni sanmung tongmani dakti dakti khwlaiwi songsa Football Ground naithothok khwlaiwi tisai rwnani. Paithago abohai naithok Ground no manwi khatunglaijak tong kosong lukurog.
Khursathai kwlaio Tripura hasteni kwcham thwng bedekni mantri Sushanta Chowdhury tonglangphuru kok rwmani tongo daktino Jampuijalao Ground kwtal yapharnai tei Jampuijala o teibo hamkrai samung bwtangni koklambo a salo sakha amchaini MLA Biswajit Koloi.
Tei khaksa bwkhak Tripura CM Dr. Manik Saha sakha, haste haphang daktino kami amchaini thwngkwrwngrogno rutugwi nationalize berem o mwthwngrwnani chaitokjak tei thinangobo aboni yapri kotorkuk khwlaiwi naharjak.
Tripura hasteni mantri okra Dr. Manik Saha, 12 No Takarjala Constituency ni MLA Biswajit Koloi, hasteni thwng bedekni mantri Tinku Roy no khobwi tei kubuni nangkukjak adongrog.
