Spain Winner FIFA Women’s World Cup 2023 PM Pedro Sanchez Perez Castejon borom yapharkha thwngkwrwngrogno

by Gobin Debbarma - Aug 22, 2023 6:02 PM

FIFA Women’s World Cup songmani 1991 bisi ni simi. Taklai 2023 bisio kwplai wngkha Spain. Kwplai wngmano twiwi khatung khaja wngmani nukjakha. Final match Spain vs England Football Final tongmani. 1-0 Goal ni pherbai Spain kwplai wngkha. 

FIFA Women’s World Cup joto 32 team kwrwngkha. Bisikbrwi ni ulo waisa khwlaiwi Tournament songsajago. Taklai songsajakha Spain ni Sydney.

Kokthum o sawi mankha USA waibrwi kwplai wngjak FIFA World Cup o. phiya Spain taklai bisiono puila kwplai wngmani.

Spain kwplai wngmano twiwi PM Pedro Sanchez Perez Castejon thwngkwrwngrogno kha kaham tei khatungmani koklambo sakha.

A salo kwplai wngmano twiwi khatung khaja wngmani nukjakha. Tei nainairognobo kwbangkhe nukjakha.