Tripura beraikhiri bedek o kwcham Indian Cricketer kubui da sokphaisinai : Sourav Chandidas Ganguly !
Indian Cricketer kwcham Sourav Ganguly Tripura haste beraikhiri bedekni ambassador wngwi dakti no samung chengjaknai. O samung humungrogni bisingtwi eba bini bisingtwi bahaikhe Tripura haphangni rangkhok teibo kwbang khwlaiwi ajiwi man eba tongkosong lukurogni beraikhirini bisingtwi teibo bahaikhe hamkrai khwlaiwi man aborogno twiwi malailaikha Tripura beraikhiri bedekni mantri Sushanta Chowdhury tei kwrwngjak bedekni samung tangnairog.
Baksa baksa o hamkraini lam naharwi kubuni juda khwlaiwibo koklam salainai tongo phiya bwswk joratwi kubui wngno abo jorano kok sanai. Kokthum o sawi mankha Tripura hasteobo International Cricket stadium wngnani tei kwbang sal lerglak aborogno twiwibo koklam salaikha. Mantri sakha, Tripura hasteni lukurogni imangbo tabuk kubui wngsinai.
Koklam salaithani thangjak AMC mayor Dipak Majumder, Mantri Sudangshu Das no khobwi kubuni samung tangnairog.
