Rwngthwng tei tongthar belai juda-Maharaj Pradyot Bikram Manikya Debbarma
Chibrwi mwtai tangsalni simi Tripura hasteni Khayerpuro chengkha. A salo bugra molni raidano rwksawi phungni damba tamwi soti thamchi tamphuru ganani Saidra twima kotor o twi tukurwjakha mwtairogno. Aboni ulono mwtaini samung humungrog khwlaijago. Kokthumno rwksawi sana thangkhe o chibrwi mwtaino Bubagra Trilochon ni hik Hiraboti puila o mwtaino palaimani Tripura kwcham bugrakhor Udaipur o. Aboni ulo 1761 A.D Khayerpur o o mwtai achukrwjakha. Tei khaksa bwkhak teibo nangkukjak wngkha o chibrwi mwtai bubagra molni jora bubagra nukhungo simino o mwtaino rwjago. Tripura o Bubagra mol jephuru paikha aphuru Tripura ni haste haphangno o mwtaino naikini khwlaiwi tongo hwnwi kokthum.
Tripura ni bubagra Maharaj Pradyot Bikram Manikya Debbarma chibrwi mwtaini puilani salo mwtai rwikha. Chibrwi mwtai ni salono achaimani bubagra nukhungo Maharaj Pradyot Bikram Manikya Debbarma. A salo Maharaj sakha laithangjak raida eba mukumu no pokhe belai hamglak chini thinang tei Nukhung tei haste hamkrai ni bagwi khulumkha.
A salo koktwma thumnairogni swngphirogo sakha jotono thaio rwngthwngni koklam salaikhe chukgwlak tei rwngthwngbai tongthar o thai nwi kok belai juda juda hwnwibo sakha.
