150th Years Tripura Police bisi pungmano twiwi kwrwngkha CM Dr. Manik Saha
Kraksalo Tripura Policeni 150th Years kamano twiwi kaisa nangkukjak koklam panda khwlaikha. A salni koklam pandao kwrwngkha Tripura hasteni montri okra Dr. Manik Saha. Dalbidal jwngjal tongmarogno twiwi salaikha hwnwi kokthum.
A salni pandao kwrwngwi montri okra sakha Tripura Police ni dalbidal yapri naharwi samung khwlaimano twiwi bolaimabai baksa tei raida chayakhe samung khwlaimano yaphao chopmano twiwibo koklam sakha.
Kraksalo Agartala ni Pragya Bhawano kwrwngjak panda hasteni kaichar hangkhorni kuchuk beremni samung tangnairogbo kwrwngkha. Teikhaksa bwkhak joto dalbidal jwngjal tongmarogno twiwi share khwlaikha. teibo nangkukjak khwlaiwi Tripura haste thai paithani eba phalthani Mafia no krak naikini khwlainani sakha montri okra Tripura Police.
