47th Kokborok Sal : hohom dodom khe khatung khajakhe palaimani nukjakha Tripura haste o

Koktisalo hohom dodom khe Tripura haphang ni bukhaktwi tei TTAADC haphang ni bukhaktwibo phil Brwichisni Kokborok Sal palaimani nukjakha. O sal no borom rwuino juda juda khwlaiwibo palaijagwi tongo.

          Khursathai kwlaio 19th January 1979 bisi ni simi o sal palaijakmani. Taklai bisibai phil brwichisni palaijakha.

          TTAADC haphang tei Tripura haphang ni bukhaktwibo kotorma himbotok khwlaijakha.

          Tripura haphang ni bukhaktwi Power tei Agriculture Minister Ratanlal Nath koktwma thumanirogbai swngjakmungo kiphilmung rwkha bwskang ni salo bahaikhe Kokborok kok no 8th Schedule chitogwi man abono twiwi kahamkhe haphang chaitogwi tongo.

          Tei khaksa bukhak Kokborok kok jora kaisao kwmawi thangmani abono BJP/IPFT haphang phan no phaiphuru ni simino teibo kahamkhe yapri naharjakha.

          Rwngyungo Professor Kokborok subject o sebuk chitokjakha.

          A salni panda Tripura haphang ni bukhaktwi pandao manjakha Kokborok kok ni chairman Atul Debbarma, MLA Rampada Jamatia no khobwi tei kubuni.