All Tripura Ophthalmological Society : Tripura ni sakhamni tangdalno twiwi kwrwngkha CM
Haste sakhamni tangdal teibo bahaikhe hamkrai khwlaiwi man ayang bwkhak naisigwi yapri naharwi Bugrakhor Agartala nangkukjak koklam panda songsajakha All Tripura Ophthalmological Society ni bisingtwi. AIIMS hai kotorma sakhamni tangnok kotor songsanani koklam no rwksawi o yapri hwnwi koktwmao sawi mankha.
Philchisa koklam pandao a salo kwrwngkha Tripura CM Dr. Manik Saha. Pandao kok sana thangwi sakha, saknaikwrwng sakhamyarogno kaham khwlaiwi naikolna nangnai haikhe khoroksa borok wngwi sinimung.
Alaida khwlaiwi mantri okra teibo sakha, laithangjak bisio Tripura haphang khungsa Dental College tei jora kisani bisingo Nursing Collegebo phiyogwi rwjakha. Aboni bisingtwi teibo thinango Tripura haste hamkrai phainai hwnwi sakha mantri. Hasteni kaichar hangkhoro sakhamni tangnok swnamjaknai. Aboni bagwi budget akorogbo soi khwlaijagwi tongo hwnwi sakha mantri okra.
