Amang charwui rwkha Kumarghat ni Rath Yatra hayung gwnangwi
Srangsalo Tripura ni Kumarghat Iskcon mandir simi kiphilma Rath Yatra chwng pherang nangwi langma chomani. O patimungo bwrwi chwla cheraino khobwi jotowi khorokchar ni langma chokha tei khorokchidok sak belai dukhu manjak. O patimungni koktwma manma ulono hor bwtharnai bedek sak dukhumanjakrogno tisawi Kumarghat sakhamnogo puila twlangmani tei belai serious ni bagwi aroni bisingo baksa baksano Agartala ni Govind Ballabh pant. Hospital sak kahamkhe nairwna bagwi rohorjakha. Thangwi sogwio Tripura ni Montri okra Dr. Manik Saha, bwrwi commission ni chairperson Barnali Goswami no khobwi tei kubuni samung tangnairog. Kumarghat ni o patimungno twiwi India Prime Minister Narendra Modi baithangbo twitter khwlaiwi sakhwlaikha joto bwkhaktwino chubachu khadumani kokbo sakha.
Kokthumno rwksawi Rath Yatra Kumarghat Motor stand simi sairikni dam brwi tamwi soti thamchi phuru nongkhormani. Jephuru Uttar pabiacherra o thangwi sogwio aroni 33 KV High Tension chwng pherang nango. Jotowi khorokchar ni langma chokha tei khorokchidok sak belai dukhu manjak. Langma chonairogno 2 Lakh khwlaiwi tei sak dukhumanjakrogno 50,000 thousand khwlaiwi rang rwnani sakhwlaikha. Tei khaksa bwkhak Tripura n montri okra Manik Saha sak dukhumanjakrogno eba chwng pherang nangnairogno dakti dakti hamrwna tei saknaikwrwngrogno jaikhe naikini khwlainani bagwibo koktwma naharkha sakhamnogo thangwi.
