Betlingsib TTAADC Gate phiyogwi rwkha : Hon’ble CEM TTAADC Purna Chandra Jamatia
Kraksalo Newly Constructed Building Betlingsib gate phiyogwi rwkha TTAADC CEM Purna Chandra Jamatia. Tripura ni North Zone bwkhakno abono swnamwi tisajakha. Amchaini tong kosong lukurogbo o naithothok gate no manwi khatung khaja wngmani nukjakha.
Khursathaio kwlaio bisi kwdwkma swkang gate swnamnano twiwi yapri naharjakna kok tongmani tei paithago dalbidal jwngjalni bisingtwiphano o naithothok Phuldungsei ni Betlingsib gate swnamwi phiyogwi rwjakha.
A salni pandao manjakha EM Runeil Debbarma, Hon’ble MLA Shri Philip Reang, Hon’ble MDC Shri Bimal Kanti Chakma, Shri Rakesh Debbarma Joint Chairman, Sepahijala, Shri Apon Debbarma, Hon’ble Chairman Gabordi Sub Zonal, Chief Engineer TTAADC, Zonal Development Officer(North) no khobwi tei kubuni samung tangnairog.
