Chebri Primary Health Centre kwtal pakani nok phiyogwi rwkha: Tripura CM Dr. Manik Saha
Krasalo Chebri Primary Health Centre phiyogwi rwjakha Tripura ni mantri okrani yak romwi. A salo o centre phiyokjakmano twiwi khatung khaja wngmani nukjakha lukurogni mwkhango. Bisi kwdwma romwi abohai sakhamnok sanmung tonglaimani ah amchaini lukurogni.
A salni pandao tongo mantri Pinaki Das Chowdhury, Kalyani Saha Roy no khobwi tei kubuni samung tangnairog. Pandao kwrwngwi mantri okra Dr. Manik Saha sakha sakhamni tangdalno teibo hamkrai tubuna bagwi krakhe Tripura haphang samung tangwi tongo.
Alaida khwlaiwi teibo sakha Khowai bwkhasteo teibo nangkukjak khwlaiwi yapri naharjaknai sakhamni tangdal o. teikhaksa bwkhak tabuk agini jora haikhe tei phatar hasteo thangwi sak naijakna nangliya. Aborog joto tabuk aginiswlai kisa wngbaikha hwnwi sakha CM. Bwskangni salo Tripura hasteni joto bising basang kami amchairogno o sep sogwikha hwnwibo sakha mantri.
