Chasalo thangwi sogwikha Ramchandraghat kendra Tipra Motha Partyni kwplai wngjak batainai James Debbarma. Laiwi thangjak Election awaimung khaiphuru bini kendranino belai nukhung chukya wngjak tongmani aborogno nugwi khabaijakmani James. Phiya a jora kok rwui kabumanino rwksawi Election kwplai wngmani teini salono sogwijak mokol nukya wngjak bukhusongni nogo. Abohaikhe ganao manwi khatunglaimani tei kaplaimanibo nukjakha a salo.
Khursathai kwlaio, Belai khakuwar TMPni sikla chongjak James Debbarma khoroksa maya gwnang hwnwi twrwk twrwk nukjagwi tongo. Alaida khwlaiwi sana thangkhe bo khoroksa Educated person. Jora kaisao New Delhio sebuk khaijak hwnwi koktwma.
Social Media Share khaikha TMP kwplai wngjak James Debbarma
"Before the election, during my campaign, I promised them that if I won, I would visit their home the very next day and share a meal with them. Today, after winning, I fulfilled that promise. Seeing tears in their eyes was not just emotional,it reminded me of the responsibility and trust they have placed in me. This victory is truly theirs".
TTAADC Election 2026, Joto bodolni samung tangnairogno chango ri khawi panthoro nongkhorjak tongmani. Phiya aboni bisingophano rwngthwngni halok Tipra Motha Party Vs Bharatiya Janata Partynino nukjago. Ramchandraghat kendra jotowi TMP Vote mankha 20,837. BJP mankha 2,650.
