Governor Indrasena Reddy : Beraikhiri tei rwkakhung bedekni hamkrai ni koklam Tripura ni beraikhiri tei rwkakhung bedek !
Raj Bhawan phasalo kaisa nangkukjak koklam panda khwlaijakha. o panda beraikhiri tei rwkakhung bedekni HOD Tripura hasteni kwtal hastepha Indrasena Reddy Nallu bai koklam salaikha.
A salni koklma panda hastepha Reddy no beraikhiri tei rwkakhung bedek Secretary U. K Chakma bwskangni salo Tripura ni hamkrai bahaikhe thinango khwlaiwi man ayang bwkhak naisingwino yapri senani kok khajakha. Tei torwkjak samung humungrog dakti dakti kwlainani kokbo salaijakha hwnwi sakha Secretary.
Koklam panda nangkukjak khwlaiwi samung charwna bagwi a salni pandao kwrwngkha beraikhirini bedekni adong Tapan Kumar Das no khobwi tei kubuni samung khwlainairog.
