Kherengbar Hospital : Health Department TTAADC luajimungbai waichi free surgical camp
Kraksalni hor kuthugo TTAADC ni Executive Member Kamal Koloi baithangni social media o waichi free surgical camp khwlaikha hwnwi share khaikha.
Kokthum o sawi mankha bisi kwdwkma romwi mungsa luajimung naharjakya tongmani hwnwi baksa baksa salaimani. Phiya tabuk ni TTAADC haphang jeswk mansak lukurogni kokno khorogo wansugwi yapri naharjakmani hwnwi sakha sakhamni barja naharjak adong.
Bwskangni salo Kherengbar Sakhamnokno teibo hamkrai tubuna bagwi kwtal building swnamjagwi tongo tei twrwk twrwk khwlaiwi sakhamni tangdalo swlaimung tubuna bagwino o yapri.
