Khumulwng berailwngo daktino nugwi manai tongkosong lukurog Water Music : TTAADC
Tripura hasteo tabuk twrwk twrwk berailwngno bahaikhe hayung ha kotor gwnangwi pirsawi man ayang bwkhak naisigwi Tripura haphang krak yapri naharjak.
Tripura Tribal Area Autonomous District Council (TTAADC) bai luajijak salka-babai hasterogni bisingo abono puila berailwngo kotorkhe Water Music thepajagwi tongo. Aborogno srangsalo TTAADC EM Kamal Koloi thangwi naikha.
EM Kamal Koloi baithang social media share khaikha tongkosong lukurog daktino naithokthokhe nugwi manai hwnwi sakhwlaikha. Tei alaida khwlaiwi Christmas ni swkang no aboni sep naharwi manai hwnwibo social media o sakhwlaikha.
Teikhaksa bwkhak teibo sawi mankha puila theme tonganw Hindi tei English. Aboni yagulo daktino Kokborok bai wnganw.
