Khumulwng Press Club: thangwi Visit khaikha mantri Sukla Charan Noatia
Khumulwng Press Club 5th March 2021 bisio songsajakmani Tiprasarogni bagwi. Ah jora Tripura ni Ex-CM Biplab Kumar Deb ni yak romwino holong thongno phiyogwi rwmani. Bisi kwdwkma laiwi thangmani yago Press Club ni Condition bobohai tong aborogno thangwi naikha minister of Corporate Sukla Charan Noatia.
Mantri a salo Press Club ni condition naiwi belai wanajakha tei bwskangni salo dakti dakti bahaikhe kaham khwlaiwi yapri sewi man ayang bwkhak naisigwino samung dakti khwlaijaknai hwnwibo sakha.
Alaida khwlaiwi mantri a salo sakha Media wngkha chini society ni kaisa bekereng. Thinango chwng tabuk TTAADC haphangbai eba Maharaj Pradyotbai koklam salaiwi bahaikhe dakti dakti khwlaiwi Khumulwng Press Club no teibo hamkrai tubuwi man yapri naharnani kok.
sangrongsalo Khumuwlng Press Club ni adongrog tongo President Angshu Debbarma, Secretary Ranjit Debbarma, Amulya Debbarmano khobwi tei kubuni samung tangnairog.
