Khumulwngo malmata rina bagwi Salsani phwrwngmung panda tei hojak panda khwlaijakha

Phasalo Khumulwng o Hukbar tangbedekni conference hallo malmata hamkrai tangbedekni luajimung bai malmata rina bagwi phwrwngmung panda tei hojak panda khwlaijakha. panda chengsawi rikha habanok chariphang okra C.K Jamatia.
Bwskangni salo bahaikhe teibo TTAADC amchai o tongnai tongkosong lukurogno hamkrai khwlaiwi rwui man ayang bwkhak naisigwino o samung bwtang eba panda khwlaijakha.
pandao manjakha malmata tangbedekni dagiphang Dr. Niraj Kumar, Prof. Parimol Roy, malmata tangbedekni jaiphang Ratneshwar Debnath akosong. Pandao achukphang wngkha Dy.PO Pradip Debbarma.