Montri Sukla Charan Noatia bai malaikha lama ni samung humungno twiwi Philip Kumar Reang tei Pathanlal Jamatia
Phasalo tangkranogo kami amchairogni lama-lampra bahaikhe teibo kahamni swlai kaham khwlaiwi tisawi man aborogno twiwi kok salaikha.
A salo Tripura haste ni Kanchanpur Bidhansabha ni MLA Philip Kumar Reang, Ampi Bidhansabha ni MLA Pathanlal Jamatia no Chief Er. PWD ni adong.
Koklam kami amchairogo dalbidal lama ni jwngjal tongmarog bahaikhe teibo kaham khwlaiwi lama swnamwi mano aborogno twiwino koklam salaikha.
Koklam sawi mankha montri Sukla Charan Noatia aborogno twiwi kahamkheno naikini khwlaijak tei daktino samungbo romjaknai hwnwi sakha.
