Nokha salnwini bagwi Tripura hasteo sogwikha : Tourism Brand Ambassador Sourav Ganguly
Tangsalo swkango kok khajakno rwksawi Tripura hasteo thangwi sogwikha India ni kwcham captain Sourav Ganguly. Maharaja Bir Bikram Airport bono a salo lamsokha Tripura ni chamung bedekni mantri Sushanta Chaudhury no khobwi tei kubuni samung tangnairog.
Khursathai kwlaio nokha talsa talnwi swkang Tripura haphangni bahaikhe teibo Tripura ni beraikhiri thairogno hayung haa kotor o tunsai rwui man ayang bwkhak naisingwino yapri sewi tongmani. Paithago tangsalo thangwi sogwikha Tripura Tourism Brand Ambassador Sourav Ganguly.
Nokha salnwi romwi Tripura hasteo tonganw hwnwi koktwma. Tangsalo Tripura thangwi sogwimani ulo puila hasteni mantri okra Dr. Manik Saha. Beraikhiri thairogni bisingo bwskangni salo Trishna berailwngo thangnani bagwibo koklam salaikha. Teikhaksa bwkhak Tripura ni Cricket thwngmungno twiwibo koklam salaikha.
