Petrol kwrwi Agartala City ! kisa jwngjal kwlaimabaino dosa achaijak malkhung sonairogni
Hati barsa katwisa bugrakhor Agartala agulini kwrwng kwrwng thaio Petrol tei Diesel manthokya wngma. Piya kokthum o sawi mankha kwbangma aguli ganani thairogo o sep no naharwi juda lamatwi samung tangwi rangbo ajiwi tongo hwnwi koktwma.
Teikhaksa bwkhak sawi mankha malkhung kolok tei lahar kisa misa watwi akorog wamabaino kwchajak kwbangma thokni malkhungrog.
Tripura tabuk simiya o jwngjal kotor achaimani. Bisi brum brumno watwi eba kwbangma jwngjal phaikhe malkhung sonairog line kolok bachalaiwi thok dana nango. Phiya o jwngjal ni yak bahaikhe kagwi manai aborogno naikini hinmani mungsa kwrwi Petrol pump ni ajamarogni hwnwi khakalaijak baksa baksa hojak tongnairogni.
Koktwmao teibo sawi mankha thok buphuru manthoknai abo tabukbo sawi manyakhu.
