Phil thamchichar khum banik: khum banik khwlaiwi sak saichung ni yakungbai bachawi mano nukhungo eba hodao !
Phil thamchichar Khum banik phunukmung tei bataimung Kraksalo Agartala Rabindra kanan khwlaijakha. bisi brum brumni haikhe taklaibo naithothok khwlaiwi khum banik khwlaijakha. o panda nokha salbrwi romwi tonganw tei bataimungni pandabo khwlaijakha. o bataimungo khorok brwirasnichitham khum khwlainairogno kwrwngkha.
Panda ni puila phiyokmungo Tripura chamung bedekni mantri Sushanta Chowdhury sakha, 1986 bisini simino abohaikhe Tripura hasteo khum phunukmung tei batailaimung songjagwi phaimani. Jora kaisao Tripura hasteo khum ni bagwi jesa pandaophano phatar hasteni khum naharwino samung khwlaiwi phaimani phiya tabuk aborog joto hakchal wngbaikha. O Jorao naisigwi naikhe tabuk Tripurani kwbangma khum kailaiwi sak saichung ni yakungbai bachawi tongbaikha tei phatarni khumrogbo naharna nangliya. Bwskangni salo teibo yapri naharjaknai dalbidal khwlaiwi.
A salni pandao kubuni bisingo tongo Fanibhushan Jamatia, Rajib Battacharjee, Saradindu Dasno khobwi tei kubuni samung tangnairog.
