Phiyogwi rwkha Dakdu Twisa : Sub-Zonal Development office TTAADC
Tangsalo kaisa pandani bisingtwi Dakdu Twisa Sub-Zonal Office West District ni bisingo khobjak TTAADC luajijak tangnok kotorno phiyogwi rwkha. Phiyokmungni pandao manjakha Tripura hasteni Bubagra Pradyot Bikram Manikya Debbarma, TTAADC CEM Purna Chandra Jamatia, TTAADC Chairman Jagadish Debbarma tei MLA Swapna Debbarma no khobwi tei kubuni nangkukjak adongrog.
Amchaini tong kosong lukurogbo a salo kwbangkhe kuthumani nukjakha tei khatung khaja wngmanibo nukjakha. abohai Sub-Zonal Development office manwi belai khakchanglaijakha amchaini lukurog. Bwskangni salo bahaikhe teibo amchaini tongkosong lukurog o zonal office ni bisingtwi hamkrai wngwi man ayang bwkhak naisinglaijak hwnwi sakha amchaini khoroksa adong.
Kok narwkna thangwi Tripura ni Maharaj Pradyot sakha, Bwskangni salo jeswk mansak hamkrai tubunani chaitoknai tei lukurogno kha ta baidi hwnwibo sakha. Abono karwibo Dakdu Twisa Zonal Office ni bisingtwi bwskangni salo kaham samung khwlainani tei TTAADC ni bwkhaktwi teibo yapri naharjaknai hwnwibo sakha.
