Sulma Dongur Tuisoi Waterfall Tripura Tourism bedekni bwkhaktwi phiyogwi rwkha : Dr. Manik Saha tei Sushanta Chowdhury
Sangrongsalo Tripura ni Dhalai hangkor ni Kamalpur bwkhasteni bisingo khobjak Sulma Dongur Tuisoi Waterfall phiyogwi rwkha mantri okra Dr. Manik Saha tei beraikhiri mantri Sushanta Chowdhury.
Tripura haphangni beraikhiri bedek bwkhak aro joto kwtal nok akorog swnamwi rwjakha. A salni pandao Tiprasa ni sirisitini mwsamung tei rwchapmung rwchapjakha. Kami amchaini kwbangma bororokno kuthumani nukjakha.
Khursathai kwlaio Tripura haphangni beraikhiri bedek swkangono sakhwlaijak tongmani Tripura ni beraikhirino hayung haa kotoro pirsanai tei ajimari kwbang khwlainani.
Abono karwibo bahaikhe teibo beraikhiri khwlainairogno bangrwui man ayang bwkhak naisigwino yapri sewi tongo hwnwi sakha mantri okra.
Amchaini lukurog khakalaijak bwskangni salo o beraikhiri ni bisingtwi ajimari kisa bangwi mananw tei hasteni mung kuchuk kasathun hwnwi salaikha.
A salni phiyokmungni panda tongo mantri okra Dr. Manik Saha, beraikhiri bedekni mantri Sushanta Chowdhury, MLA Manuj kanti Deb no khobwi tei kubuni amchaini samung tangnairog.
