Tangwi mwnakjak o thaio? Biyango abo tei tamoni bagwi mwnakjak aswk nangkukjak mangthong: swngmung lukurogni!
O mangpili nugwi tongnairog baksaba siniwi mano, baksaba siniwi manya wngwi mano. Tomung aro pilala khwlaiwi chati chwngjak hinkhe bo, nwng, borog tei mangpili naiwi tongnairogbo siniwi mankhamu. Phiya tangwi mwnajak? Swngmung lukurog .
O mangpili tei keboya Tripura Maharaj Bir Bikram Kishore Debbarma. Bwskang 19th August bini achaima sal. Bisi brum brumni haikhe taklai bisiobo Tripura haphang tei TTAADC haphangni wngwi o salno palaijakna bwkhak. Maharaj Bir Bikram Kishore Debbarma 19th August 1908 achaima sal.
TTAADC headquarter bisingo khobjak o mangthongo tomung agirogo light(Chati) rwui tongkhe tabuk tangwi mwnakjak tei TTAADC haphang aborogno tamo kisaphano naikini khwlaiya da eba Tripura haphang aborogno kisaphano nuya wngma da kwlai? Lukurog khorang tisalaikha aborogno dakti dakti khwlaiwi horo chwngsasa khwlaiwi tonina wngthun.
