Transport Minister Sushanta Chowdhury : swlaimung tubuna bagwi yapri
Social Media ni molo joto bwkhaktwino twrwk twrwk swlaimung phaijak. Ayang bwkhak naisigwi tabuk hayung haa kotorbo belai swlaimung kotor tubuwi tongo. Tripura haste belai chikonsa haste. Khursathai kwlai India ni kubuni hasteni swlai belai o hasteno judakhebo nukjago.
Kok wngkha Tripura rwkahung mantri eba Transport Minister Sushanta Chowdhury kraksalo koktwma thumanirogni panda khwlaiwi joto rwkakhung ni samung humung tabuk Online, UPI, ATM Card akorogbai samung choil khwlainani kokno sakha.
Koklam sana thangwi mantri sakha, bwskangni salo joto rang ni samung humungo Cashless no kwbangkuk choil khwlainani koklam sawi khwnarwkha.
Teikhaksa bwkhak a salo koktwma thumnairogno mantri sakha, Tripura dalbidal hatio tabuk Piyajo, alu tei kwbangma mwikwthwng thaikwthwng akorog morokmano haphangni bwkhaktwi naikini khwlaijaknani koklam sawi khwnarwkha.
