Tripura ni Gonda Twisa patimungni deramungo kwlainairogno Tripura haphang chubachu yapharkha
Sal kisa swkang Tripura Dhalai hangkhorni Gonda Twisao patimungo langma chonai tei deramungo kwlainairogno Tripura haphang chubachu yapharkha.
O patimungo langma chonai Parameswar Reang ni Pha Kharagaram Reangno Rs. 6 Lakhs yapharwi rwjakha.
Abono karwibo Tripura haphangni bwkhaktwi khung saradokchiba nukhungno jotowi Rs. 1 Cr. And 54 Lakhs rwkha. Aboni bisingono joto nukhungo Rs. 25,000/- khwlaiwi yapharwi rwjakha tei torwkjak rang twrwk twrwk khe mananw nukhung.
Nukhung derakoro wngjakrogno Haphangni bwkhak joto bwkhaktwi naikini khwlaijagwi tongo tei sakham ni bwkhakbo Medical Teamni bisingtwi kahamkhe naikoljagwi tongo.
Dhalai bwkhaste naikolphangni bisingtwi Gonda Twisa thangwi naikha. Koktwmao sawi mankha tabukni tonghalok hati phiyokjak tei tong kosong lukurogbo hatirogo thangmani nukjakha.
