TTAADC Express : dakti bus malkhung ni sep naharwi mananw tong kosong lukurog
Srangsalo Tripura Tribal Area Autonomous District Council(TTAADC) CEM Purna Chandra Jamatia baithangni social media o malkhungbai thanglaisu khwlainai lukurogni kokno wansugwi TTAADC Express Bus malkhung daktino kwsawi manai hwnwi sakha.
Khursathai kwlaio laiwi thangjak jora Tripura ni kwbangma amchai ni simi Bus malkhung akorog choil khwlaijak tongmani. Phiya kwchar majaro aboni sep akorogbo muthupjagwi thango.
Teikhaksa bwkhak o jwngjal ni kokno hakchal khwlainani bagwino hainohai TTAADC Express Bus malkhung tikhwlainano twiwi khatunglaijak tongkosong lukurog.
Teibo sathai kwlaio laiwi thangnai sal kisa swkangno TTAADC haphangni bwkhaktwi auto malkhungbo bakjakmani.
Koktwmao teibo sawi mankha puila Agartala, Khumulwng Via Mandwi o choil wngnani kok. Aboni ulo twrwk twrwk ADC amchaio khobjak thairogno twrwk twrwk choil wngnani koktwma.
