TTAADC : Tring Tipra Era bisi kwtal palaijaknai kotorma khwlaiwi
Phasalo kaisa koktwma thumnairogni panda khwlaiwi taklai bisi Tring bisi kwtal Tripura ni 6th schedule area Khumulwngo kotorma khwlaiwi khwlaijakna bwkhak thangwi tongo hwnwi sakhwlaikha TTAADC EM ICA Suhel Debbarma.
A salo koktwma thumnairogni panda khwlaithani tongo kokthum tei hukumu bedek TTAADC ni samung charinai adongrogno khobwi tei kubuni.
Khursathai kwlaio thangnai bisio no TTAADC haphang Tring bisi kwtal gosimung rwmani. Bisi kwdwkma romwi kwbangma rwchapmung mwsamung hapharo tongnairog tei kwbangma Tripura dophani NGO akorog o salno salsa lelamung sanlaijak tongmani. Paithago o salno Tipra Motha Party TTAADC phano phaimani ulo o salno lelamung mankha.
Bisi kwtal pandano chengwi rwanw haani bubagra Maharaj Pradyot Bikram, hodani bororok, Tiprasa hamkwrai mantri Bikash Debbarma no khobwi Bangladesh ni Tiprasarognobo majakna bagwi koimung rwkha koktwma thumanairogni panda TTAADC EM ICA Suhel Debbarma.
Salsa swkang banikbo kotorkhe songsajaknai. Abono karwibo tonganw sirisitini thwngmungrog mwthwngjaknai. Teibo nangkukjak wngkha Tipra Idol 2023 Top10 Tring bisi kwtal o participate khwlairwjaknai.
