Tinku Roy : World Tourism Day no twiwi thwng batailaimung
Srangsalo Tripura hasteni A.D Nagar thwngkholao koktwma thumnairog India-Bangladesh Football batailaimung songsajakha. Koktwma thumanirogni kaisa haa kotorbai tei kaisa haa kotorni abohai yapri naharma kisa juda khwlaiwino hamkraini yapri bolaima nuhurjagwi tongo tongkosong lukurog tei Tripura haphang.
Sal kisa swkangno ebakhe uram uramno abohai thwngmungni yapri naharwi samung tangmani nukjagwi tongo koktwma thumnairogni bisingtwi. Bwskangni salobo teibo yapri naharnani bwkhak thwngmungni bwkhaktwi hwnwi salaikha panda o manjaknai nograi.
Pandao manjagwi mantri Tinku Roy sakha, thinango haphang berakhiri ni bedek kaisa kotorma yapri naharwi tongo abo chwng joto no pirsawi rwnai hayung haa kotor gwnang.
A salni thwng batailaimung pandao tongo Tripura thwng bedekni mantri Tinku Roy, Press Club ni adongrogno khobwi tei kubuni samung tangnairog.
