BJP khoroknwi Kriti tei Biplab : Tripura kainwi achukthai kwplai wngkha
BJP khoroknwi Kriti tei Biplab : Tripura kainwi achukthai kwplai wngkha
2024 Tripura Loksabha Election ni result kwplai wngkha BJP ni khoroknwi batainairog. Hasteni lukurogno kha kaham yapharkha khoroknwi MP.
Alaida khwlaiwi BJP bodolni samung tangnairog o bwthai manmano kha kuwarbaikhe lamsoklaikha. Aboni bisingo Tripura hasteni joto hangkhorono hohom dodom khwlaiwi tongthoklaimani nukjakha.
West Tripura Biplab Kumar Deb tei East Tripura Maharani Kriti Singh Debbarma kwplai wngkha hwnwi sakhwlaikha Election Commission ni adong.
Khusathai kwlai West Tripura Loksabha chongbari o batainairog tongmani wngkha BJP ni candidate Biplab Kumar Deb, INC ni Candidate Asish Kumar Saha tei kubuni. Alaida khwlaiwi East Tripura Loksabha chongbario batainairog wngkha BJP ni candidate Kriti Singh Debbarma, CPI ni Candidate Rajendra Reang no khobwi kubuni.
Kwplai wngmano twiwi Tripura ni Tiprasa hamkrai mantri Bikash Debbarma, TTAADC ni EM Kamal Kalai, Tinku Roy no khobwi tei kubuni samung tangnairog kha kaham yapharlaikha Maharani no.
