BJP, Tipra Motha tei IPFT :Manikya Court koklam achuklaikha loksabha chongbari no twiwi
Chasalo kaisa nangkukjak koklam panda achuklaikha Tripura ni Manikya Court Hall o Loksabha chongbari no twiwi. Salka Tripura Loksabha achukthaio BJP ni chongjak candidate, Tipra Motha, IPFT ni candidate Maharani Kriti Devi Debbarma no kwbang votebai kwplai khwlainano twiwino koklam panda.
A salni koklam panda teibo nangkukjak wngkha bwskangni salo Bharat ni mantri bokhorok Narendra Modi tei Amit Shah Tripura ni Astable Ground o lukuthum panda no twiwibo koklam salaikha hwnwi sakha Tiprasa hamkrai mantri Bikash Debbarma.
Koklam pandao tongo Tipra Mothani samung tangnairogno khobwi BJP tei IPFT ni samung tangnairogbo.
