Norogni haphang tongphuru tongkosong lukurogno sicharwna muchungjakya : Beraikhiri montri Sushanta Chowdhury
Chasalo Tripura ni beraikhiri bedekni montri Sushanta Chowdhury kaisa koktwma thumnairogni panda khwlaikha. Panda khwlaikha Geetanjali Tourism Guest House o.
Koktwma sawi mankha sal kisa swkang kebengnai bodol ni adong eba Tripura ni kwcham montri okra Manik Sarkar Promo Fest 2024 panda kotor khwlaimano twiwi 7 crore hai rang swbaimano twiwi Janasiksha Sal o kok narwkmani.
O kokno twiwi no Tripura beraikhiri hamkrai bedekni montri Sushanta Chowdhury swrai swrai khwlaimano twiwi koktwma thumnairogno ringwi phirokmung rwmani.
A salo bo sakha abohai patimung eba abohai kok samano twiwi kebengwi kitingwi koklam sakha montri. Abono karwibo juda khwlaiwi CPIM Tripura o haphang tongphuru Beraikhiri bedek eba beraikhiri thaio mungsa hamkrai nukjakya.
Tabukni haphang beraikhiri thaio hamkrai khwlaimano twiwi khoroksa kwcham montri okra khuktwi abohai samano twiwi mungsa wansukjakya tongmani, kebengjak abo swrai swrai hwnwi sakha montri. Mungsa wnglak bwskangni salo Promo Fest teibo kotorkhe khwlaijakna bwkhak thangwi tongo hwnwi sakha montri.
