Tipra Women Federation 3rd Foundation Day: Maharaj Pradyot Tiprasa ni khorang thinangobo tongnai
Sangrongsalo TWF ni 3rd Foundation Day Agartala Town Hallo panda khwlaijakha. Swkango sakhwlaijak tongma haikhe pandao lukurogno kwbangkhe kwrwngmani nukjakha.
Tripura ni kaichar hangkhorni bwrwi bodol a salo pandao kwrwngkha. Pandao thinango bahaikhe teibo bodolni phan no krak khwlaiwi tisawi man ayang bwkhak naisigwi kok tisajakha bwrwi bodolni adong.
Pandao kok narwkha Maharaj Pradyot, Tripura o kwbangmano Agreement wngkha phiya mungsa samungo thepajakya. Bwskangni salo chini bodolni wngwi stand tongnai tei thinangobo ang sakbaithang logi tongnai jeswk mansak dopha hamkrai phaiyasak hwnwi sakha.
Teibo sakha Tripartite agreement wngmani abo juda teisa abono samungo thepanani ground o tongwi abo tei kisa juda. O samungno khaina bagwi bodolni samung tangnairog teibo saktharnani bagwi sakha Maharaj.
A salni pandao tongo TWF ni adong, Maharaj, Animesh Debbarma no khobwi tei kubuni nangkukjak samung tangnairog.
