Tripura CM : Kanchanpur o thangwi Maharani mangthongo khulumkha
Chasalo Lok sabha chongbarino twiwi awaimungni pandao kwrwngkha Tripura ni CM Dr. Manik Saha. A salo panda ni swkang Tripura ni thwiwi thangjak Maharani Kanchan Prava Devi holong thongno khulumwikha.
Pandao kwrwngwi mantri okra bwskangni salo hainohai BJP no vote rwui kwbang votebai kwplai khwlaiwi kendra haphango Modino teisa haphango tubulainai hwnwi kok kwcharkha CM.
Tripura ni Maharani Kanchan Prava Devi wngkha Maharaja Bir Bikram Kishore Manikya Debbarma ni hik. Maharaja Bir Bikram thwimani ulo belai jwngjal kotor o kwlaikha Tripura Haa. 9th September 1949 bisio Indiabai Tripura merger agreement khaimani Maharani.
Khursathai kwlaio laiwi thangjak 26th March 2023 bisio o holong thongno songsajakmani. Phiyogwi rwmani MDC Bobo Ranjan Reang ni yak romwi.
a salni lukuthum pandao lukurogno kwbangkhe kwrwngmani nukjakha.
