Khelo Tripura Para Games 2023 : Yakung yak manyarogni bagwi kwtal yapri
Phasalo Tripura hasteni Astable eba Swami Vivekananda thwngkhola Khelo Tripura Para Games 2023 puila yapri semung pandano phiyogwi rwkha Mantri okra Dr. Manik Saha, thwng mantri Tiknu Roy no khobwi tei kubuni thwng bedekni samung tangnairog.
Kendra haphang tei Tripura haphang yakung yak manyarogni kokno khorogo wansugwi o yapri naharjakha. Bwskangni salo teibo borogni bagwi dalbidal hamkrai kokno twiwibo samung khaijaknai hwnwi sakha Tripura CM.
A salni pandao hoda hamkrai, hoda rwng tei thwng bedekni thumsakhe luajimungbai khwlaijakha panda. Abono karwibo baksa baksa swrwngnairogno sokat yapharjakha
Panda o manjakha AMC ni Mayor Dipak Majumder, thwng bedekni samung tangnairogno khobwi tei kubuni.
