Minister Sukla Charan Noatia: Farid Mia Smiriti Knock-Out Football tournament kwrwngkha
Chasalo Tripura hasteni kaisa final Football tournament NSG Sports Committee ni luajimungbai songsajakha Pekuarjala HS School Ground. Belai hohom dodom pandani bisingtwi khwlaijakha panda. Jotowi dol thamchinwi bodol Farid Mia Knock Out Football tournament batainani bagwi kwrwngkha.
A salni thwngmungno twiwi kwbangmano lukurogno ground kitingtwi tournament kwrwngmani nukjakha. Pandao manjagwi mantri Sukla Charan Noatia sakha, Tripurani mantri okra Dr.Manik Saha Tripura kwbangma kami amchairogo Drugsbai hakchal khwlainano twiwi thwngmungni bisingtwi bahaikhe sokomorwi man ayang bwkhak naisigwi haphang yapri sewi tongo.
Bwskangni salo o thwngmungno teibo kaham khwlaiwi tisanani tei kami amchaini siklarogno twiwi yapri senani bagwi koimung rwkha mantri.
NSG Sports Committee bwkhaktwi bwskangni salo thwngmungno wngkha chini langmani chati hai chengsawi tongnai tei lukurogbo abohai thwngmungrog yapri naharnani bagwi koikha.
Pandao manjakha mantrino karwibo Himani Debbarma, NSG Sports committee ni adongsongno khobwi hoda hamkraini samung tangnairog.
