Tripura Cricket Association : 31 umpire tei scorer no yapharkha ri chum
Srangsalo MBB Stadium Club Tripura Cricket Association(TCA) ni bwkhaktwi koktwma thumanirogni panda khwlaikha. A salo TCA ni kuchuk beremni samung tangnairogbo pandao kwrwngkha. Bisi kwdwkma romwino Umpire tei Scorer ni bwkhaktwi khorang tisajak tongmani dress ni bagwi. Aboni bagwi kwbangma thai eba tournament khwlaiphuru jwngjalo kwlainani nangkha hwnwino sakha khoroksa Umpire.
Sal kwdwkma romwi sanmung eba khorang tisajak tongmani Tripura Cricket Association(TCA) no Umpire tei Scorer borogni dress ni bagwi. Paithago khorokthamchisa(31)Umpire tei khoroknwichi(20) scorer chwng dress yapharkha hwnwi sakha TCA ni secretary Subrata Dey.
