T20 World Cup: BCCI HQ Team India no twiwi kokchap panda
Sangrongsalo Indian Cricket Team bwskang T-20 World Cup 2024 tournament no twiwi BCCI HQ koktwma thumnairogni panda khwlaikha. India Teamni Captain Rohit Sharma tei BCCI Senior Selection committee Chairman Ajit Agarkar Mumbai BCCI tangnok kotor o khorokchicha thwngnairogni mung no twiwi kokchap panda swrai swraikhe sakhwlaikha.
A salni koklam pandao jotoniswlai amang chajaknai wngkha Rinku Singh no bodol o chitokjakliya o tournament o. Baksa baksa khao chonglaijak o tournament no twiwi kha hamyabo wnglaijak. Aboni bisingo Team ni Vice-Captain Hardik Pandya no chongjakha.
T20 World Cup 2024 thwnangnairogni bisingo tongo Rohit Sharma (Captain), Hardik Pandya (Vice Captain), Yashasvi Jaiswal, Virat Kohli, Suryakumar Yadav, Rishabh Pant (WK), Sanju Samson (WK), Shivam Dube, Ravindra Jadeja, Axar Patel, Kuldeep Yadav, Yuzvendra Chahal, Arshdeep Singh, Jasprit Bumrah, Mohd. Siraj. Extra tonijakha Shubman Gill, Rinku Singh, Khaleel Ahmed and Avesh Khan.
