Warrior Fighting Championship(WFC): Tripura Legends MMA thwngkwrwng khorokba sokat mankha
Tripura Legends MAA thwngkwrwng khorokba sokat yaphao chopkha Guwahati, Nehru Stadium songsajak Warrior Fighting Championship(WFC) event. WFC MMA Fight night Gold Medal sokat manairogni bisingo tongo Sudip Jamatia, Ruhan Murasing, Sakphang Debbarma, Samarjit Jamatia tei Silver manai wngkha Lifeson Debbarma.
MMA Fighter Coach Amit Murasing bisi kwdwma romwino abohai samungbai kwrwngjak. Koktwmao sawi mankha thangnai nokha talsa talnwi swkang Tripura Legends Goa hasteo o thwngwi sokat manjak.
Koktwmao teibo sawi mankha Tripura Legends wngwi Ruhan Murasing Meghalaya hasteni, Sudip Jamatia Assam hasteni, Sakphang Debbarma Assam hasteni, Samarjit Jamatia Assam hasteni tei paithago Lifeson Debbarma Meghalaya hastenibai thwngwi kwplai wngkha.
Sokat manjak thwngkwrwngrog bwskangni salo bahaikhe o thwngmungni bisingtwi yapri kotorma naharwi man ayang bwkhak naisigwi himnai hwnwi salaikha MMA WFC o kwplai wngnainairog.
