7th August National Handloom Day : Tripura palaikha tei borom yapharkha Smriti Rekha Chakma no
Sangrongsalo 10th National Handloom Day palaikha Tripura hasteo. A salo hohom dodom khwlaiwi Agartala Pragna Bhaban panda luajikha Directorate of Handloom, Handicraft & Sericulture Government of Tripura tei Weaver’s Service Centre Ministry of Textiles Government of India.
Bisi brum brumno August talni 7th salmario National Handloom Day hwnwi India o palaiajago.
A salni pandao Tripura ni sal kisa swkang Padma Shri Award manai Smriti Rekha Chakma no borom yapharkha Tiprasa hamkrai mantri Bikash Debbarma tei kuchuk beremni samung tangnairog.
Koklam pandao narwkna thangwi mantri sakha, Bwskangni salo abohai sirisiti ni takmung-chumung teibo bahaikhe hamkraini yakhwrai bowi man ayang bwkhak naisigwino yapri sewi tongo Tripura haphang.
