Bosong Sikla Sal : Jorani Khorang yapharkha Tripura ni khoroktham rwchapkwrwngno sokat
Phasalo Bosong Sikla Sal 2024 palaikha Jorani khorang pandao. O sal bisi brum brumno palaijago Jorani khorang ni bisingtwi. Abono karwibo bisio waisa hodani kaham samung tangnairogno sokat akorogbo yapharjakha.
A salo Jorani Khorang twidulnai Narendra Debbarma kok narwkthani swrai swrai khe sakha bwskangni salo hodani samung humung khwlainani tei hoda ni siklarogno bahaike teibo kha kwrai khwlaiwi bwskango himnani lam phunuklai man ayang bwkhak yasi sursawi kok tisakha.
Teikhaksa bwkhak Tripura rwchapkwrwngrog Rumi Murasing, Parmita Reang tei Manik Debbarma no taklai bisi sokat yapharjakha. Bwskangni salo borogni imang teibo kubui wngthun tei borogni bisingtwi Tripura hasteni sinimung teibo bangthun hwnwibo sakha twidulnai.
Jorani khorang ni bisingtwi luajijak Bosong Sikla Salo tongo Jorani Khorang twidulnai Narendra Debbarma, Bina Debbarma, Biplab Debbarma no khobwi tei kubuni samung tangnairog.
