Hojagiri Ter : o terno twiwi Tripura ni TTAADC haphang ni bwkhaktwi salsa lelamung sakhwlaikha
Laiwi thangjak o tal ni kraksalo TTAADC haphangni kaisa awaimungni bisingtwi Tripura hasteni jotoni kotorkuk ter Hojagiri Ter no twiwi salsani lelamung sakhwlaikha.
O lelamung salo haphangni tangnok, rwngthwngnok tei dalbidal TTAADC ni bisingo khobjak thairogo simino abo samungo thepajakha hwnwi koktwma.
Lelamung ni salmari chongjakha 18th October 2024.
Khursathai kwlaio TTAADC Haphang dalbidal Tiprasani hamkraino wansugwino samung tangwi tongo hwnwi tei judakuk khwlaiwi swkangrogobo Tiprasa ni bisi kwtal(Tipra Era) palaima, Kokborok sal akorog palaimani nukjago tei o salrogno lelamungbo sakhwlaijak hwnwi.
Lukurog khakalaijak bwskangni salo teibo tongkosong lukurogni kokno wansugwi dalbidal Tiprasa ni hamkrai tubuwanw hwnwi.
