International Kullu Dussehra Utsav : Himachal Pradesh sririsiti ni raidano rakhogwio panda khwlaikha
Sririsini raidano rwksawino dalbidal palini richum no chumlaiwi International Kullu Dussehra Utsav panda Himachal Pradesh ni Dhalpur o khwlaikha.
Puila phiyokmungni pandao tongo Himachal Pradesh ni Governor Shiv Pratap Shukla.
International Kullu Dussehra Utsav 2024 bisini o pandao kwbangma tongkosong lukurogno nukjakha. tei khatungkhaja wngmanibo nukjakha.
Koktwmao sawi mankha alaida khaiwi mwtaino khulumnani bagwi Deputy Chief Minister Mukesh Agnihotri, Chief Parliamentary Secretary Sunder Singh Thakur, and Maheshwar Singh no khobwi tei kubuni.
Khursathai kwlaio o mwtai ni kwbangma laibuma tongo. O ter o kainwichiba hasteni rwchap mwsakwrwngrog aro kwrwngnai tei pandabo khainai. Ha kotorni thwngkwrwngrogno twiwibo sokat akorog yapharjakmung tonganw hwnwi koktwma.
19th October panda paithago Chief Minister Sukhvinder Singh Sukhu tonganw.
