Janjatiya Gaurav Divas palaimao sokphainai Bangladesh ni rwchapkwrwngjwk : Payel Tripura
Phainai 15th November simi 17th November jora panda kotor khwlaijakna bwkhak thangwi Tripura haste Astable Ground Janajatiya Gaurav Divas. O panda luajinai wngkha Tribal Welfare Department Govt. of Tripura. Pandano naithothok khwlainani bagwi jotono koimung rwkha o pandao manjakna bagwi Tripura hasteni Triprasa hamkrai mantri Bikash Debbarma.
15th November 1875 bisio achaimani Bhagavan Birsa Munda India ni Khunti District, Jharkhand o. Bo khoroksa Indian Tribal Independence Activist tei bo Munda bosong ni hero hwnwibo sinijago. Bini achaima salno rwksawino o panda kotormakhe khwlaijakna bwkhak thangwi tongo.
Kokthum o sawi mankha o pandao Central Minister phaiwi manjakphaina kok hwnwi chasalo atomsa Astable Ground berai Naithani abohai hwnwino sakha mantri Bikash Debbarma.
Pandani kokbothoma wngkha Chini Hukumu no chini Mukumu o kokmangno bwskango toniwino samung khwlaijak eba panda khwlaijaknai.
Panda mwchangrwna bagwi International Singer Bangladesh ni Payel Tripura manjaknai hwnwi baithangni social mediao sakhwlaijak. Teikhaksa bwkhak bo joto tongkosong lukurogno o pandao phaiwi manjakna bagwibo koimung.
Sirisitini Tripura ni kwchamkuk chamung eba kwchamkuk hukumurogno twiwibo hayung haa kotor o phunuknani chaitoknai hwnwi sakha Mantri.
Koktwmao sawi mankha o pandano tei kaham khwlaina bagwi Tripura haphangni bwkhaktwibo dalbidal khwlaiwi eba naimwthang bodolni samung tongnairogbo joto bwkhaktwi chubachu khwlainai.
